Guðni er stofnandi og upphafsmaður Rope Yoga hugmyndafræðinnar. Guðni Gunnarsson er einn af frumkvöðlum Íslands á sviði líkams og heilsuræktar. Hann hefur starfað við fagið í meira en 25 ár og er m.a. fyrsti einkaþjálfarinn á Íslandi.

Sigurjón hefur kennt Rope Yoga byrjendanámskeið og ástundun síðan 2008. Það sem honum finnst mest gefandi við kennsluna er að fylgjast með framförum nemenda og ekki síður gaman að sjá oft á tíðum þær breytingar sem verða á fólki fyrir og eftir tímann.

Ásta hefur stunda Rope Yoga í sjö ár og lauk kennaranámi 2006.  Hún kennir nú ástundun og segir kerfið er í stöðugri þróun og hún því alltaf að læra meira um líkamann og hvað hægt er að gera betur. Einnig segir hún þetta vera yndislega leið til að kynnast sjálfum sér betur og öðlast betra líf. Ásta er einnig lærður nuddari, og svæða- og viðbragðsfræðingur ásamt því að vera ilmolíufræðingur og hafa lokið námi í Fit Pilates. Seinustu árin hefur hún rekið eigin nuddstofu. 

Steinunn byrjaði að kenna ástundunar-námskeið 1. september 2009. Hún hefur sjálf upplifað magnaða breytingu á líkama og sál eftir að hún kynntist Rope Yoga. Henni finnst það að miðla og kenna Rope Yoga og sjá breytingarnar á allri líðan fólks sé upplifun sem er bæði gefandi og skemmtileg. "Eitt af mörgum gullkornum í Rope Yoga er að þú lærir að þykja vænt um þig og fara vel með þig, þá fer það að skipta þig máli að lifa heilbrigðum lífsstíl. Það fer að skipta máli hvað og hvernig þú borðar og nærir þig og þína. Þú hlúir að þér og þú dafnar, þú ferð að skilja orðið tilgangur."

Ármann Kojic er fyrrum afreksmaður í ólympískum kappróðri og siglingum. Hann byrjaði að æfa RopeYoga fyrir 4 árum út í Los Angeles og tók kennaranám á síðasta ári. Hann stundar einnig Ashtanga Yoga og hugleiðslu að kappi. Hann er mikill áhugamaður um kenningarnar á bak við RopeYoga og er heillaður af heimspekinni og næringarhlutanum á bak við RopeYoga. “Það sem er svo yndislegt að átta sig á er að það er ekkert aðskilið og þegar fólk kemur til okkar og vill taka á einhverjum einum þætti í lífi sínu sér það fljótt árangur á öllum sviðum. Þetta er sannarlega hug og heilsurækt.”

Jónheiður heillaðist strax af æfingum og heimspeki Rope Yoga og GlóMotion.  Þetta var allt annað en hún hafði kynnst á ótal aðhaldsnámskeiðum í gegnum tíðina.  Loksins fann hún þá heildrænu nálgun á heilsu sem hún hafði leitað að í svo mörg ár.  Samhliða því að stunda GlóMotion æfingar af krafti hefur hún starfað á Setrinu og tileinkað sér lífstíl GlóMotion á öllum sviðum lífs síns.  Jónheiður útskrifaðist af kennaranámskeiði haustið 2010 og kennir nú byrjenda námskeið í Rope Yoga.